Stambýldaǵy Qazaqstannyń bas konsýldyǵy jarylys qurbandary arasynda Qazaqstan azamattarynyń bar-joǵyn anyqtap jatyr. Mekemeniń habarlaýynsha, ázirge zardap shekkenderdiń arasynda qazaqstandyqtar anyqtalmady. 

"Stambýldaǵy QR bas konsýldyǵy jarylys qurbandary arasynda Qazaqstan azamattarynyń bolýy týraly aqparatty anyqtaý úshin Túrkıanyń quzyretti organdarymen jáne qala ákimdigimen baılanysta" delingen syrtqy isteri mınıstrliginiń resmı habarlamasynda.

Sondaı-aq Stambýldaǵy bas konsýldyq el azamattaryn saq bolýǵa jáne adam kóp jınalǵan jerge kóp barmaýǵa shaqyrdy.

Eske salsaq,  Stambýldyń ortalyq kóshelerdiń biri Istıklálda bolǵan jarylystan 6 adam qaza taýyp, 81 adam jaraqattandy. Túrkıa İİM basshysy jarylǵysh zat qaldyrǵan áıel adam ustalǵanyn málimdegen.