Túrkıa bıligi AQSH-tyń kóńil aıtý jedelhatyn qabyldamaıtynyn málimdedi. Bul týraly Túrkıanyń İshki ister mınıstri Súleımen Soıly habarlady dep jazady Hurriyet basylymy. 

"Bul bizge jasalǵan eskertý ekenin jaqsy bilemiz. Mundaı eskertý jasaýdyń negizgi sebebinen de habardarmyz. AQSH-tyń kóńil aıtýyn qabyl almaımyz. Bul eskertýge qarsy úlken bir jaýap beretin bolamyz", dedi Súleımen Soıly. 

Budan bólek, mınıstr Istıklál kóshesine jarylǵysh zat qaldyrǵan áıel Grekıaǵa qashyp ketýdi josparlaǵanyn habarlady. 

"Árıne, mundaı arsyzdyqqa, opasyzdyqqa shydaı almaıtynymyzdy aıtqym keledi. Istıklál kóshesi bizdiń ortalyqta ornalasqan tanymal kóshemiz. Jasalǵan teraktige qatysty arnaıy operasıalar áli de jalǵasyp jatyr. Terorıster qolǵa tústi. Eger ustalmasa Grekıaǵa qashyp ketetin edi. Biz teraktiniń qalaı josparlanǵanyn, qalaı iske asyrylǵanyn jaqsy bilemiz. Alla ultymyzǵa amandyq bersin" dedi mınıstr. 

Keshe Stambýldyń ortalyq kóshelerdiń biri Istıklálda bolǵan jarylys bolǵan. Saldarynan 6 adam qaza taýyp, 81 adam jaralanǵan. Túrkıa İİM basshysy jarylǵysh zatty qaldyrǵan áıel men taǵy 21 kúdikti ustalǵanyn málimdedi.