Basylym álem ekonomıkasynyń úsh qozǵaltqyshy – AQSH, Eýropa jáne Qytaı qarqynyn báseńdetkenine nazar aýdarǵan. Osy úshtikke álemdik óndiris men tutyný mólsheriniń úshten biri tıesili bolǵandyqtan, olardyń turaqtylyǵyna planetanyń ózge turǵyndarynyń turaqtylyǵy qatty táýeldi.
"Eýro aımaq Reseı gazyn jetkizý qysqarýyna baılanysty qıyn jaǵdaıda. Qytaı kovıd karantıni men jyljymaıtyn múlik naryǵyndaǵy daǵdarystan zardap shegip otyr. Al AQSH-ta ınflásıaǵa baılanysty adamdardyń tabysy men tutyný kórsetkishi tómendep, kredıt stavkalary ınvestısıa paıyzdaryn jep qoıýda" deıdi halyqaralyq valúta qorynyń basshysy Krıstalına Georgıeva.
Krıstalına Georgıevanyń aıtýynsha, alpaýyt elderdegi ahýal damýshy jáne kedeı elderge áser etedi.
"Olar az taba bastaıdy. Óıtkeni olardyń eksporttyq taýaryna suranys azaıady. Al qymbatshylyqqa baılanysty aqshany kóp jumsaı bastaıdy" dedi ol Dúnıejúzilik banktiń jyl saıynǵy sońǵy jıynyn ashqan sátte.
Amerıkalyq JPMorgan Chase bankiniń ıesi Djeımı Daımon "bul jolǵy daǵdarys nesıe naryǵynan kele me, álde qor naryǵynan ba, álde tipti biz múlde kútpegen ózge jerden kele me, ázirge uǵyp bolmaısyń" deıdi.
Pikir qaldyrý