18 qarashadan bastap Qazaqstandaǵy McDonald's-tyń barlyq meıramhanasy jumysyn ýaqytsha toqtatady, dep habarlady kompanıanyń resmı saıty.
Kompanıa mamandary taýar jetkizý jaǵynan shekteýler shyǵa bastaǵanyn, sol sebepti barlyq meıramhananyń jumysyn ýaqytsha toqtatýǵa týra keletinin aıtyp otyr.
"Kompanıa jumysty tezirek qalpyna keltirý úshin bar kúshin salýda. Meıramhanalardyń ashylý merzimi týraly keıinirek habarlanady", - delingen resmı habarlamada.
"Food Solutions KZ" JSHS kompanıasy Qazaqstan Respýblıkasynda 6 jyldan astam ýaqyt jumys isteıdi jáne jyldam qyzmet kórsetetin meıramhanalar ındýstrıasynyń kóshbasshylarynyń biri bolyp sanalady. Almaty, Astana, Atyraý, Aqtóbe, Qostanaı, Qaraǵandy qalalarynda kompanıanyń 24 meıramhanasy bar jáne olarda 2000-ǵa jýyq adam jumyspen qamtylǵan.
Pikir qaldyrý