QR Ortalyq saılaý komısıasy prezıdent saılaýynyń aldyn ala nátıjesin jarıalady.
OSK málimetinshe, saılaýǵa daýys berýge quqyly azamattardyń 69,44 paıyzy qatysqan.
«Sonymen, naqtylanǵan saılaýshylar tizimderine saı, jalpy saılaýshylar sany 11 mln 953 myń 465 adamdy qurady. Onyń 8 mln 300 myń 46 adamy nemese 69,44 paıyzy daýys berýge arnalǵan búlletenderdi aldy. Daýys berý kúni QR Prezıdenttigine kandıdattardyń 11 myńnan asa senim bildirgen adamdary, sheteldik halyqaralyq uıymdardyń 641 baıqaýshysy, saıası partıalardyń 15,5 myńnan asa baıqaýshysy, qoǵamdyq birlestikterden 30 myńnan asa baıqaýshy saılaýdy baqylaýdy júrgizdi», dedi Nurlan Ábdirov Ortalyq saılaý komısıasynda ótken brıfıńide.
OSK tóraǵasynyń aıtýynsha, Qasym-Jomart Toqaevqa 6 mln 456 myń 392 saılaýshy nemese olardyń 81,31%-y daýys bergen.
Jıgýlı Daırabaevqa 271 641 nemese 3,42 paıyz, Qaraqat Ábdenge 206 206 nemese 2,6 paıyz, Meıram Qajykenge 200 907 nemese 2,53 paıyz, Nurlan Áýesbaevqa 176 116 nemese 2,22 paıyz jáne Saltanat Tursynbekovaǵa 168 731 nemese 2,12 paıyz daýys berilgen.
«Bárine qarsymyn» baǵanyn 460 484 nemese 5,8% saılaýshy tańdaǵan.
Pikir qaldyrý