Abaı oblysynda Prezıdenttik saılaý jalǵasýda. Tańerteń turǵyndar saılaý ýchaskelerinde óz tańdaýyn jasaýda. Densaýlyǵyna baılanysty nemese basqa sebeptermen saılaý ýchaskesine óz betinshe kele almaıtyn azamattar úıde daýys bere alady.

«Saılaýǵa óz betimen kele almaıtyndar úshin biz saılaý jáshikteri men búletenderdi úılerge aparamyz. Aǵa býyn arasynda daýys bergisi keletinderdiń kóp bolǵany bizdi qýantady. Bul jastar úshin jaqsy úlgi», - deıdi №269 saılaý ýchaskesi tóraǵasynyń orynbasary Janna Tólenova.

Búgin úıden shyqpaı-aq óz tańdaýyn jasaǵandardyń biri Uly Otan soǵysynyń ardageri Asqar Rahymbaev boldy.

«Men saılaýǵa birinshi jyl qatysyp otyrǵan joqpyn. Bul búkil el úshin óte mańyzdy qadam. Búgin biz tarıhtyń barysyna áser etetin tańdaý jasaımyz», - deıdi ardager.

Asqar Rahymbaev 1926 jyly 1 naýryzda Semeı oblysy Aqsýat aýdany Oıshilik aýylynda dúnıege kelgen. Mektepti bitirgennen keıin týǵan aýylynda traktorshy bolyp jumys istedi. 1941 jyly Aqsýat aýdandyq áskerı komısarıaty arqyly ásker qataryna shaqyryldy. Shyǵys maıdanda 378 áskerı bóliminde atqyshtar polkiniń quramynda soǵysqan.
Rýmynıa, Brashev jáne Mısheldi fashısik Germanıadan azat etý úshin shaıqastarǵa qatysty.
Jaýyngerlik eńbegi úshin «Otan soǵysy» ordenimen, «Germanıany jeńgeni úshin», «Eren eńbegi úshin», «Eńbek ardageri» medaldarymen marapattalǵan.