Qytaılyq mıllıarder, Alibaba kompanıasynyń negizin qalaýshy Djek Ma jarty jyldan beri Tokıoda turyp jatyr. Buǵan Qytaıdaǵy qysym sebep bolǵan dep jazady Financial Times.

Basylymnyń habarlaýynsha, kásipker otbasymen birge Tokıo qalasynyń ortalyǵynda turady jáne buryǵydaı qoǵamdyq máselelerge belsendi aralaspaıdy.

Kásipker qazir nemen aınalysyp júrgeni týraly túrli aqparat bar. Birinde elektrondyq komersıadan tys óziniń kásibin keńeıtip jatqany aıtylsa, endi birindk akvarel boıaýlarymen sýret salýdy qolǵa alǵany habarlanǵan. 

Mıllıarderdiń Qytaıdan ketýine bıliktiń tehnologıalyq kompanıaǵa qysym jasaýy sebep bolǵan. 2020 jyly Shanhaıda ótken konferensıa kezinde sheneýnikterdi ashyq túrde synǵa alǵannan keıin kásipker el aldyna sırek shyǵa bastaǵan. 

2021 jyly sáýirde Qytaı naryǵyn retteý jónindegi memlekettik basqarmasy Alibaba Group Holding Limited kompanıasyna "monopolıaǵa qarsy zańnamany buzǵany úshin" 2,8 mıllıard dollar kóleminde aıyppul salǵan. Osynsha kóp aıyppul Qytaıda buryn-sońdy eshbir kompanıaǵa salynbaǵan.