26 qarashada Astanada ótken zańsyz mıtıńige 300-ge jýyq adam jınalǵan. Arasynda basqa óńirlerdiń turǵyndary da bar. Bul týraly ishki ister mınıstriniń orynbasary Igor Lepeha málimdedi. 

Onyń aıtýynsha, 18 adam ustalyp, ákimshilik jazaǵa tartylǵan. Vıse-mınıstr qansha adamnyń bosatylǵanyn naqtylamady. 

"Kóshege 300-ge jýyq adam shyqty. Bir jarym saǵattan keıin Aqordaǵa qaraı barý týraly úndeý aıtyldy. Sherýde mıtıńiniń barlyq derlik belgisi boldy. Biz olardyń qandaı talap qoıatynyn kútken joqpyz. Óıtkeni zańsyz sherý ákimshilik quqyqbuzýshylyqqa jatady. Sol sebepti olardy toqtatýǵa májbúr boldyq" dedi Lepeha májilis kýlýarynda.

26 qarasha keshkisin Astanada "Bolashaqtyń arhıtektorlary" jobasyn qurǵan bıznesmen Marat Ábıev pen onyń jaqtastary ustalǵan. 27 qarashada Ábıev "polısıa talabyna baǵynbaǵany", "beıbit jıyn ótkizý tártibin buzǵany" úshin 15 táýlikke qamalǵan.