Qazaqstanda shaǵyn bıznestiń jaldamaly jumysshylary úshin biryńǵaı mindetti tólem engiziledi. Bul týraly eńbek jáne halyqty áleýmettik qorǵaý mınıstri Tamara Dúısenova málimdedi.

Tamara Dúısenovanyń aıtýynsha, calyq kodeksine ózgerister engizilip jatyr. Kelesi jyldan bastap salyq júktemesin 33 paıyzdan 20 paıyzǵa deıin tómendetý josparlanyp otyr.

"Onlaın platformalardyń kómegimen (Iandeks Taksı, Iandeks GO jáne taǵy basqa) jumyspen qamtylǵan azamattar úshin arnaıy salyq rejımi engiziledi. Bul rette salyq agentteri jumyspen qamtylǵan azamattardyń atynan tıisti tólemder júrgizetin onlaın-platformalardyń operatorlaryn anyqtaýdy usynady" dedi Dúısenova. 

Budan basqa, qyzmetkerlerdi jazataıym oqıǵalardan saqtandyrýdy júzege asyratyn jumys berýshiler úshin saqtandyrý tarıfteri de tómendeıdi.