Sheshenstan basshysy Ramzan Qadyrovty synap júrgen opozısıalyq bloger Týmso Abdýrahmanovty atyp ketti. Bul týraly 1ADAT telegram arnasy habarlady. Aqparatty blogerdiń jaqyndary da rastap otyr. Buǵan deıin 2020 jyly blogerdiń ómirine qastandyq jasalyp, Shvesıadaǵy páterine shabýyl jasalǵan. 

Shvesıanyń quqyq qorǵaý organdary aqparatqa qatysty ázirge resmı málimdeme jasamady. Abdýrahmanovty jeltoqsannyń 1-nen 2-sine qaraǵan túni Shvesıada atyp óltirgen.

"Birneshe kúnnen beri Týmsonyń ólimine qatysty ózimiz zertteý jumystaryn júrgizdik. Alǵashynda onyń ólimine sene almadyq. Qazir bizdiń qolymyzda qaıǵyly oqıǵaǵa baılanysty jetkilikti aqparat bar. Al onyń aǵasy Muhammadty arnaıy qyzmet jasyryp qoıdy. Alaıda aqparattardy ózimizdiń jáne jaqyndarymyzdyń qaýipsizdigi úshin jarıalaı almaımyz", delingen telegram arnadaǵy habarlamada. 

Shvesıada turatyn Týmso Abdýrahmanov 2 jeltoqsannan beri habarsyz ketken. Sol kezde onyń óltirilgeni týraly habar tarady. 

"Týmsony túnde bir top adam atyp óltirgen. Qazir oqıǵanyń mán-jaıy anyqtalýda", dep jazady 1ADAT telegram arnasy.