Prezıdent Q.Toqaev shetelden kirgizilgen kólikterdi zańdastyrý máselesi boıynsha túsindirý jumystaryn synady. 

– Biz shetelden ákelingen avtokólikterdi zańdastyrý týraly sheshim qabyldadyq. Alaıda Úkimet aqparattyq jumysty durys júrgizgen joq. Sonyń kesirinen, jurt bul naýqan qalaı júrgiziletinin bilmeı, áýre-sarsańǵa túsip júr. Naqty qandaı kólikterdi zańdastyrýǵa bolatynynan da habarsyz. Mundaı mańyzdy málimetter azamattarǵa qoljetimdi bolýǵa tıis jáne ony senimdi aqparat kózderinen alýy qajet. Eldi alańdatyp, dúrbeleń týǵyzbaý úshin Úkimet munyń bárin turaqty túrde halyqqa qarapaıym tilmen túsindirip otyrýy kerek, – dedi ol úkimettiń keńeıtilgen otyrysynda.

1 qyrkúıekke deıin elge kirgizilgen kólikterdi zańdastyrý sharttary men prosedýrasy áli kúnge deıin aıqyn emes. Keı derekterde elge atalǵan merzimge deıin 350 myń kólik kirgizilgen delinedi.