Sottalǵan Qaırat Satybaldyuly jazasyn ótep jatqan kolonıada áli jumys tapqan joq. Bul týraly Qylmystyq-atqarý júıesi komıtetiniń Tengrinews.kz basylymynyń resmı saýalyna bergen jaýabynda aıtylǵan.

Vedomstvo málimetinshe, Satybaldyuly bıyl qazan aıynan bastap Óskemendegi №22 orta qaýipsizdik mekemesinde jazasyn ótep jatyr. Ákimshilik ókilderi sottalýshynyń minezdemesin áli jasamaǵan, sebebi ol zańmen belgilengen eń tómengi merzimdi ótemegen.

"Qylmystyq-atqarý júıesi organdarynyń qyzmetin retteıtin quqyqtyq aktilerge sáıkes, sottalýshynyń minez-qulyq dárejesi men tulǵalyq erekshelikteri mekemede toǵyz aıdan keıin qalyptasady. Sottalǵan Qaırat Satybaldyulynyń tártiptik jazasy joq" delingen OKJ tóraǵasynyń birinshi orynbasary Saǵat Mádıevtiń qol qoıylǵan resmı jaýapta.

Satybaldyuly áli jumysqa ornalaspaǵany, al onyń densaýlyq jaǵdaıy týraly aqparat qupıa ekeni aıtyldy.

"Qazir sottalǵan Qaırat Satybaldyuly №22 mekemeniń kásiporyndarynda bos jumys oryndarynyń bolmaýyna baılanysty jumysqa ornalasqan joq. Densaýlyq saqtaý kodeksine sáıkes, medısınalyq qyzmetkerdiń jeke medısınalyq derekteri, medısınalyq kómekke júginý deregi, adamnyń densaýlyq jaǵdaıy týraly málimetter jáne ony tekserý jáne emdeý kezinde alynǵan basqa da málimetter medısına qyzmetkeriniń qupıasy", - dep tolyqtyrdy mınıstrlik.

Eks-prezıdent Nursultan Nazarbaevtyń nemere inisi Qaırat Satybaldy "Qazaqtelekom" AQ-nyń qarjysyn jymqyrdy dep aıyptalyp, 6 jylǵa bas bostandyǵynan aıyrylǵan.

Ol kánásin moıyndap, keltirilgen zalaldy memleketke qaıtarý arqyly anaǵurlym "jumsaq" sot úkimine – sottaý merzimin jartysyn deıin qysqartýǵa qol jetkizgen.

Sot sheshimine saı, onyń dúnıe-múlki tárkilenip, 10 jylǵa memlekettik qurylymda qyzmet etýge tyıym salyndy. Sondaı-aq ulttyq qaýipsizdik organynyń general-maıor sheni, "Qurmet", "Parasat" ordenderi qaıtyp alyndy.