"Respublica" saıası partıasy áli resmı tirkeýden ótken joq. Bul týraly Ádilet mınıstrliginiń baspasóz qyzmetinen málim etti, dep jazady QazAqparat. 

"Buqaralyq aqparat quraldarynda "Respublica" partıasyn tirkeý týraly aqparat paıda boldy. QR Ádilet mınıstrligi 24 qarashada "Respublica" saıası partıasyn qurý nıeti týraly habarlamanyń kelip túskeni týraly rastaý ǵana berilgenin naqtylaıdy. 3 jeltoqsanda "Respublica" saıası partıasyn qurý jónindegi uıymdastyrý komıteti quryltaı sezin ótkizdi, tirkeýge qujattar kelip túsedi dep kútemiz. Ádilet mınıstrligi BAQ ókilderinen naqtylanbaǵan aqparat úshin keshirim suraıdy", - dep atap ótti mınıstrliktiń baspasóz qyzmetinen.

Aıta keteıik, búgin Ádilet mınıstri Qanat Mýsın Parlament palatalarynyń birlesken otyrysynan keıin BAQ ókilderiniń saýalyn jaýap bere kele "Respublica" saıası partıasynyń resmı tirkelgenin aıtqan bolatyn.