Aqparat jáne qoǵamdyq damý mınıstrligi ázirlegen Úkimet qaýlysynyń jobasyna saı, endi  "Habar" agenttigin "Samuryq-Qazyna" ulttyq ál-aýqat qory qarjylandyratyn bolady dep jazady informburo.kz  portaly.

Qaýly jobasynyń túsindirme jazbasyna sáıkes, bastama "Habar" agenttiginiń reıtıńin kóterýge, memlekettik aqparattyq saıasatty iske asyrý sapasyn arttyrý úshin jasalyp otyr.

Sondaı-aq, agenttiktiń komersıalyq kirisi de artady dep boljam jasalǵan.

"2022 jylǵy 13 sáýirdegi № 22-2314 buryshtamaǵa sáıkes QR prezıdenti "Samuryq-Qazyna" ulttyq ál-aýqat qory" aksıonerlik qoǵamynyń "Habar" agenttigi" aksıonerlik qoǵamyn qarjylandyrýyna kelisimin beredi" delingen qaýly jobasynyń túsindirme jazbasynda.

Qaýly jobasy Ashyq NQA portalynda 2023 jylǵy 9 qańtarǵa deıin qoǵam talqysyna usynylǵan.