Elde oqýshy oryndardyń tapshylyǵy máselesi jyl sanap ósip keledi. Bir jylda úsh aýysymda oqıtyn mektepterdiń sany taǵy 6 paıyzǵa ósken. Bul týraly Ranking.kz portaly habarlady.

Qazir mektepterdiń kópshiligi oqýshylardy eki aýysymda oqytady, mundaı mektepterdiń sany jyldan jylǵa artyp keledi. Máselen, 2021-2022 oqý jylynda elimizde 5,2 myń osyndaı mektep jumys istese, 2020-2021 oqý jylynda – 5,1 myń, odan bes jyl buryn, 2017-2018 oqý jylynda – 4,9 myń eki aýysymdyq mektep bolǵan.

Sonymen qatar, elde úsh aýysymda oqıtyn mektepter sany da artyp keledi, bul onsyz da daǵdarysty jaǵdaıdyń nasharlaǵanyn kórsetedi. Máselen, 2021-2022 oqý jylynda Qazaqstanda 169 úsh aýysymdy mektep jumys istedi, bul bir jyl burynǵydan 5,6% artyq (160 mektep), al úsh jyl ishinde mundaı mektepterdiń sany birden 32% ósken.

Óńirler boıynsha úsh aýysymdy mektepterdiń eń kóp sany Almatyda (59 mektep), sondaı-aq Mańǵystaý (18 mektep), Atyraý (17 mektep), Túrkistan (15 mektep) jáne Pavlodar (10 mektep) oblystarynda baıqalady.

Úsh aýysymdy jáne apatty mektepterdiń tapshylyǵy máselesin sheshý «Jaıly mektep» ulttyq pılottyq jobasy iske qosylǵan. Ony 2023 jyldan 2025 jylǵa deıin iske asyrý josparlanýda. Ulttyq jobanyń biryńǵaı operatory retinde «Samruk-Kazyna Construction» AQ tańdaldy.

Ulttyq jobany júzege asyrý aıasynda respýblıkada 842 myń oqýshy oqıtyn 401 jańa mektep salynady dep josparlanǵan. 2023 jyly 467,8 myń oqýshyǵa arnalǵan 221 mekteptiń qurylysyn bastaý josparlanyp otyr. Jalpy jobany júzege asyrýǵa 2,6 trln teńge memleket ınvestısıasy baǵyttalady.