Densaýlyq saqtaý mınıstrligi JRVI jáne tumaý aýrýlarynyń kóbeıýine baılanysty qazaqstandyqtarǵa qaıtadan betperde kıip júrýge jáne adam kóp jınalatyn jerlerge barmaýǵa keńes beredi. 

Vedomstvo málimetinshe, elde JRVI jáne tumaý aýrýlarynyń maýsymdyq ósýi baıqalady.

"Epıdemıalyq maýsym bastalǵannan beri, ıaǵnı 2022 jyldyń 1 qazanynan beri jiti respıratorlyq vırýs ınfeksıalarynyń 2,1 mıllıon jaǵdaıy tirkeldi, onyń 65,5 paıyzy 14 jasqa deıingi balalar. Sondaı-aq, tumaýdyń zerthanalyq rastalǵan 1834 jaǵdaıy tirkeldi, onyń ishinde 14 jasqa deıingi balalar arasynda – 717", - dedi Densaýlyq saqtaý mınıstrliginiń ókilderi.

Tumaý, JRVI jáne koronavırýs ınfeksıasynyń aldyn alý maqsatynda Densaýlyq saqtaý mınıstrligi tómendegideı nusqaýlyq usynady:

• Maska men antıseptıkterdi qoldaný;
• Adamdar kóp jınalatyn oryndarǵa barýdy, aýrý adamdarmen qarym-qatynasty shekteý;
• Úı-jaılardy jeldetip, jıi ylǵaldy tazalaý júrgizý;
• Dereý medısınalyq kómekke júginý.