Azamattyq pozısıasyn belsendi bildirip júrgen bir top azamat "6 qańtar" degen atpen táýelsiz blok quratynyn, aldaǵy májilis saılaýyna qatysatynyn jarıalady.

Olardyń qatarynda jýrnalıser Dýman Muhametkárim men Dınara Egeýbaeva, azamattyq belsendiler Álnur İlıashev pen Araılym Nazar bar.

"Qazaqstanda adam quqyǵy jıi buzylatynyna degen narazylyq basymyzdy biriktirdi" degen belsendiler saıasatpen etene aralasýǵa sheshim qabyldaǵanyn aıtady.

Dınara Egeýbaeva bılik azamattyq qoǵam únin estımeıtindikten bılikke jaqyndaýǵa týra kelip otyrǵanyn atap ótip, sol úshin bir okrýgtik mandattan aldaǵy májilis saılaýyna túsetinin málim etti. Quryp jatqan "Altynshy Qańtar" blogyna ózge de azamattardy qosylýǵa shaqyrdy.

Dýman Muhametkárim áriptesiniń sózin jalǵaı otyryp, aımaqtarda blokqa qosylam deýshiler baryn, solardyń qatarynda jýrnalıs Luhpan Ahmedıarov Batys Qazaqstan oblysynan saılaýǵa túsýge nıetti ekenin jetkizgenin aıtty. Sondaı-aq ol saılaý ádil ótse, ózderiniń okrýginen jeńip shyǵatynyna senimdi ekenin qosa ketti.

Álnur İlıashev saıası dodaǵa qatysyp, kandıdatýrasyn usynǵysy keletinder bolsa, quqyqtyq, konsýltatvtik qoldaý kórsetýge daıyn ekenin de tilge tıek etti.