Rýslan Jeldibaı prezıdent ákimshiligi basshysynyń orynbasary – prezıdenttiń baspasóz hatshysy bolyp taǵaıyndaldy, – dep habarlady Aqordanyń baspasóz qyzmeti. 

"Rýslan Sultanuly Jeldibaı Qazaqstan Respýblıkasy Prezıdentiniń Ákimshiligi Basshysynyń orynbasary – Prezıdenttiń Baspasóz hatshysy bolyp taǵaıyndalsyn, ol burynǵy atqarǵan laýazymynan bosatylsyn" delingen Jarlyqta.

Rýslan Jeldibaı 1989 jyly Jambyl oblysynda týǵan.

T. Rysqulov atyndaǵy Qazaq ekonomıkalyq ýnıversıtetin, Ýorık ýnıversıtetin (Ulybrıtanıa) bitirgen. «Bolashaq» baǵdarlamasynyń túlegi.

Eńbek jolyn 2012 jyly «Qazaqstan» telearnasynda redaktor bolyp bastaǵan.

2012-2018 jj. – «Almaty» telearnasynda bólim basshysy, prodúser.

2018-2019 jj. – QR Aqparat jáne komýnıkasıalar komıtetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń m.a., basshysy.

2019-2020 jj. – QR Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary.

2020-2022 jj QR Prezıdenti Ákimshiliginiń İshki saıasat bólimi meńgerýshisiniń orynbasary boldy.

2022 jylǵy 14 aqpanda premer-mınıstr keńsesi basshysynyń orynbasary bolyp taǵaıyndalyp, týra eki aıdan keıin prezıdenttiń baspasóz hatshysy qyzmetine aýysqan.