Ulttyq qaýipsizdik komıteti ártúrli óńirlerinde iri kólemde kóknár shıkizatyn satý qylmysyna qatysy bar esirtkimen aınalysatyn toptyń jolyn kesýge baǵyttalǵan arnaıy operasıany iske asyrǵanyn habarlady.

Petropavl qalasynda esirtki qylmysyna qatysty toptyń kómekshileri ustalyp, olardan 5,5 tonnaǵa jýyq atalǵan apıyn túri alynǵan.

"Osy operasıanyń ekinshi kezeńi barysynda Óskemen qalasynda 1 tonna kóknár shıkizatyn alý ústinde esirtki kýreri ustaldy. Dál osy ýaqytta, Qaraǵandy qalasynda jalǵa alǵan qoımalarda 10 tonnadan asa esirtki shıkizatyn saqtap kelgen esirtki qylmysyna qatysty toptyń uıymdastyrýshylary ustaldy. Buǵan qosa tintý sharalary barysynda esirtki qylmysyna qatysty top qatysýshylarynan jaraqattaýshy jáne sýyq qarý, sonymen qatar iri kólemde aqshalaı zattar tabylyp, alyndy. Aldyn ala tergeý anyqtaǵandaı, atalǵan apıyn tamaq ónimderi túrinde shetelden Qazaqstan aýmaǵyna kirgizilip, esirtkige táýeldi ortada saýdalanǵan. Jalpy qolǵa túsken esirtki kólemi 16 tonnadan asty" delingen UQK baspasóz qyzmeti taratqan habarlamada.