Ýkraınadaǵy soǵys kezinde Reseı tarapynan qaza tapqan 11 myńnan astam sarbazdyń aty-jóni belgili boldy. Olardyń 539-y mobılızasıalanǵan sarbazdar. Mundaı derekti BBC ashyq derekter negizinde anyqtaǵan.

Soǵystyń birinshi kúninen bastap VVS-diń orys qyzmeti "Medıazon" basylymy (Reseıde "sheteldik agent" dep tanylǵan) jáne eriktiler tobymen birge Ýkraınada soǵys kezinde qaza tapqan azamattardyń tizimin jasaýmen aınalysyp keledi. 6 qańtarda basylym 11009 sarbaz ben ofıser qaza tapqany týraly aqparatty rastady.

Basylym jınalǵan derekter adam shyǵynynyń naqty kórsetkishi emes, shynaıy kórsetkish kem degende 40-60%-ǵa joǵary bolýy múmkin dep otyr. Kemitip eseptegenniń ózinde Ýkraınadaǵy soǵysta Pýtın 22 myń sarbazynan aıyrylǵan Mundaı qorytyndy Reseıdiń 60-tan astam eldimekenindegi zırattaǵy jaǵdaıdy zertteý nátıjesi boıynsha jasalǵan.

Qaza tapqandarǵa habar-osharsyz ketken, jaraqat alyp maıdan shebinen shyǵyp qalǵandardy qosanda Reseıdiń adamı shyǵyny 99 myńdy quraıdy. Buǵan Donesk pen Lýganksidegi "halyqtyq mılısıa" sapynda soǵysqandar kirmeıdi dep habarlady basylym.