Pavlodar oblysy polısıa departamentiniń burynǵy basshysy Nurlan Másimovtiń ústinen qozǵalǵan is boıynsha alǵashqy sot otyrysy ótti, dep habarlady óńir sotynyń baspasóz qyzmeti. 

"Búgin saǵat 15:00-de Pavlodar oblysynyń qylmystyq ister jónindegi mamandandyrylǵan aýdanaralyq sotynda aldyn ala tyńdaý belgilendi. Aldyn ala tyńdaý qorytyndysy boıynsha negizgi sot talqylaýynyń merzimi bekitiledi", - delingen habarlamada. 

2022 jylǵy sáýirde Antıkor polısıa general-maıory Nurlan Másimovke qatysty sotqa deıingi tergeý bastap, oǵan izdeý jarıalanǵan. Asa iri kólemde para aldy degen kúdikke ilingen general-maıor Reseıge ótip elden qashpaq bolǵan kezinde jalǵan qujatpen ustalǵan bolatyn. Nurlan Másimov UQK-niń eks-tóraǵasy, memleketke opasyzdyq jasady, memlekettik tóńkeris jasamaq boldy degen aıyppen sot prosesi ótip jatqan Kárim Másimovtiń jaqyn týysy.