Ujymdyq qaýipsizdik týraly shart uıymy Turaqty keńesiniń otyrysy barysynda uıymnyń jańa bas hatshysy Imanǵalı Tasmaǵambetov resmı túrde tanystyryldy. 

Imanǵalı Tasmaǵambetovtyń aıtýynsha, álemdik syn-qaterlerge qaramastan uıymǵa múshe memleketter aýmaǵynda Ujymdyq qaýipsizdik sharty uıymyna eshqandaı balama joq.

"UQSHU-ǵa múshe memleketterdiń basshylaryna uıymnyń jumys qurylymyn basqarýǵa senim bildirgeni úshin alǵys aıtqym keledi. Álem úlken geosaıası synaqtardyń kýási bolyp otyr, óte kúrdeli saıası, ekonomıkalyq jáne basqa da problemalardy sheshýge týra keledi. UQSHU aldynda kúrdeli mindetter tur. Osy syn-qaterler men problemalardyń barlyǵy bizdiń Uıymnyń sheshýshi róline, onyń bedeli men aımaqtyq qaýipsizdikti qamtamasyz etýdiń tıimdi tetigi bolý qabiletine áser etedi. Onyń ary qaraıǵy bedeli men tıimdiligi ózimizge baılanysty. Barlyq qıyndyqtarǵa qaramastan, men UQSHU úshin balama joq ekenine, onyń ózine júktelgen mindetterdi sheshýge qabiletti ekenine senimdimin", - dedi Tasmaǵambetov.