Májilis tóraǵasy parlament palatalarynyń birlesken otyrysyn shaqyrý týraly ókimge qol qoıdy.
"Qazaqstan Respýblıkasy Konstıtýsıasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti palatalarynyń birlesken otyrysy 2023 jylǵy 13 qańtarda saǵat 10.00-de Astana qalasynda shaqyrylsyn", – dep jazylǵan ókim mátininde.
BAQ betterinde birlesken otyrysta Elbasy týraly konstıtýsıalyq zańnyń kúshin joıý týraly zań jobasy talqylanatyny aıtylýda. Keshe Konstıtýsıalyq sot "Qazaqstan Respýblıkasynyń Tuńǵysh Prezıdenti – Elbasy týraly" Qazaqstan Respýblıkasy Konstıtýsıalyq zańynyń kúshi joıyldy dep tanylǵany jóninde qaýly qabyldaǵan.
Sondaı-aq buǵan deıin májilis kelesi aptada merziminen buryn taratylýy múmkin ekeni jóninde aqparat shyqqan.
Pikir qaldyrý