Polısıa "olıgarh balalarynyń tóbelesine" İİM qyzmetkerleriniń qatysy bar-joǵyn tekseredi, dep habarlady KazTAG agenttigi.

"Bostandyq aýdany PB janyndaǵy polısıa bólimi osy fakti boıynsha tekserý jumystaryn bastady. Sonyń nátıjesinde kináli tulǵalar mindetti túrde anyqtalyp, jaýapqa tartylatyn bolady", dep habarlaǵan Almaty qalasy polısıa deportamentiniń baspasóz qyzmeti. 

Buǵan deıin "BASE" Telegram-arnasy karaoke klýbtardyń birinde olıgarhtar Baharadın Ablazımov pen Dinmuhamet Ydyrysovtyń uldary tóbelesip qalǵany týraly aqparat taratqan. Keıin tóbeleske olardyń oqqaǵaǵarlary da qatysqany jáne olar İİM qyzmetkeri ekeni habarlandy. 

Tóbeles naqty qaı kúni bolǵany belgisiz. 9 qańtarda Almaty polısıasy oqıǵaǵa baılanysty "Buzaqylyq" baby boıynsha sotqa deıingi tergeý amaldary tirkelgenin habarlaǵan. Tóbeleskenderdiń jaraqatynyń dárejesin anyqtaý úshin sot-medısına saraptamasy da taǵaıyndalǵan.