Májilistiń Zańnama jáne sot-quqyqtyq reforma komıtetiniń tóraǵasy, depýtat Arman Qojahmetov jaqyn arada palata taratylýy múmkin ekenin aıtty, dep jazady Qazaqparat. 

– Bul jaıynda Prezıdent (Joldaýda) aıtqan bolatyn. Iaǵnı, bıyldyń birinshi jartysynda tıisti sheshim qabyldanatyny málim boldy. Atap aıtqanda, normatıvtik-quqyqtyq baza daıyndaldy, sondaı-aq tıisti zańdarǵa saılaýǵa qatysty túzetýler de engizildi. Sondyqtan jaqyn arada tıisti qadamdar jasalýy múmkin, – degen A. Qojahmetov Májilistiń jalpy otyrysynan keıin tilshiler suraǵyna jaýap bere otyryp.

Informburo.kz portalynyń málimetinshe, depýtat tómengi palata osy aıda taraýy múmkin ekenin, oǵan depýtattardyń ózderi bastamashyl bolýy yqtımal ekenin aıtqan.

Buǵan deıin májilis kelesi aptada merziminen buryn taratylýy múmkin ekeni jóninde aqparat shyqqan.