Buǵan deıin eks-prezıdent Nursultan Nazarbaevqa berilgen "qurmetti senator" ataǵy senat reglamentinen alynyp tastaldy. Bul týraly Senat tóraǵasy Máýlen Áshimbaev habarlady.
"Biz reglamentten qurmetti senator ataǵyn alyp tastadyq. Bizde qazir ondaı ınstıtýt joq. Bul sheshimdi qabyldaýymyzdyń sebebi, bizdiń halyq referendýmda daýys berdi. Tuńǵysh prezıdent týraly jarlyq Konstıtýsıadan alynyp tastaldy. Bul – halyqtyń sheshimi", - dedi Senat spıkeri Máýlen Áshimbaev.
Senat tóraǵasy bul ataq tek bir adamǵa, Nursultan Nazarbaevqa berilgenin aıtty. Biraq "Qurmetti senator" ataǵy zańmen bekitilmegen, tek senattyń reglamentine ǵana engizilgen.
"Ary qaraı bundaı ataq eshkimge berilmeıdi. Óıtkeni bizde qazir ondaı quqyqtyq negiz joq, alyp tastadyq", - dep atap ótti Áshimbaev.
Pikir qaldyrý