Sheteldik kólikterdi zańdastyrý: Qandaı qujat kerek, qandaı kólikter zańdastyrylmaıdy?

/image/2023/01/12/crop-127_7_609x1082_bfe47dd00a73d7fec2ff36fe54380091_1280x720.jpg

İshki ister mınıstriniń orynbasary Igor Lepeha sheteldik avtomobılderdi zańdastyrýǵa baılanysty ótken brıfıńte zańdastyrý prosedýrasy úshin qandaı qujattar qajet ekenin aıtty.

Sheteldik kólikterdi tirkeý 23 qańtar 1 shilde aralyǵynda júzege asady.

Igor Lepehanyń sózinshe, avtokólik ıesi ótinish; ótinish berýshiniń jeke basyn kýálandyratyn qujat; kólik quralynyń pasporty jáne (nemese) kólik quralyn tirkeý týraly kýálik; kólik quralyna menshik quqyǵyn rastaıtyn qujat sekildi 4 qujatty usynýy kerek.

Ótinish pen qujattardy tapsyrǵannan keıin kólik quraly arnaıy HQKO janyndaǵy tekserý pýnktine nómirlik agregattardy salystyrý úshin usynylady. Ótinish eki kún qaralyp, oń ne teris sheshim shyǵady.

Tekseris sátti bolǵan jaǵdaıda ótinish berýshiniń telefonyna oń nátıje jáne kólik quralyn tirkeý úshin Arnaıy HQKO-ǵa kelý qajettiligi týraly qysqa habarlama jiberiledi.

Kólik quralyn tirkeýge arnaıy HQKO-ǵa qaıta kelgen kezde ıesi bastapqy tirkeý úshin 200 000 teńge, tehpasport úshin memlekettik baj (4 313 teńge), sondaı-aq memlekettik nómirge (9 660 teńge) alym tóleıdi jáne qujattardyń túpnusqalaryn HQKO qyzmetkerine tapsyrady.

Zańdastyrylatyn kólikterge qoıylatyn talaptar tómendegideı:

♦ Avtomobıl elge 2022 jylǵy 1 qyrkúıekke deıin kirgen bolýy kerek. Ol avtosaqtandyrý polısiniń alǵashqy rásimdelgen kúni boıynsha anyqtalady;

♦ Kólik izdeýde bolýyǵa tıis;

♦ Kedendik tazartýdan ótýi kerek;

♦ Sońǵy tirkelgen jerinen esepten shyǵarylǵan bolýy kerek;

Tirkeý bekitilgennen keıin avtomobıl ıesine tirkeý qujaty jáne Qazaqstan Respýblıkasynyń memlekettik nómir belgileri beriledi.

Sheteldik kólikterdi zańdastyrý: Qandaı qujat kerek, qandaı kólikter zańdastyrylmaıdy?

Qatysty tegter :

Pikir qaldyrý

Qatysty Maqalalar