Álem elderi áskerı qýatynyń reıtıńin jasaýmen aınalysatyn Global Firepower portaly Qazaqstandy 145 eldiń ishinde 63 satyǵa jaıǵastyrdy. Byltyr Qazaqstan 64-satyda turǵan.
Áskerı qýaty jóninen úzdik 10 eldiń qatarynda AQSH, Reseı, Qytaı, Úndistan, Ulybrıtanıa, Ońtústik Koreıa, Pákistan, Japonıa, Fransıa, Italıa bar.
Jaqyn kórshi jáne post keńestik elder arasynda Túrkıa 11-satyda, Ýkraına 15, Polsha 20, Ázerbaıjan 57, Belarýs 60, Ózbekstan 62, Túrkmenstan 82, Grýzıa 85, Armenıa 94, Qyrǵyzstan 107, Tájikstan 120-satyda.
Ýkraına bir jylda reıtıńtegi jaǵdaıyn birden 7 satyǵa jaqsartqan. Áskerı salany zerttep júrgen ekonomıs Erlan Ibragım bul – álemniń ekinshi áskerine toıtarys berip jatqan ýkraın áskerinińsoǵystaǵy qabilettiginiń nátıjesi ekenin aıtady.
Bir jylda reıtıńtegi jaǵdaıyn birneshe pozısıaǵa ilgeriletkenderdiń qatarynda Ázerbaıjan da bar. Resmı Baký áskeri Armenıamen urysta óziniń tıimdi reforma men bólingen qarjyny tıimdi paıdalana bilgenin tanytqan.
Sarapshy Reseı áskeriniń qurylymyn kóshiretin Qazaqstanǵa áskerdi damytý úshin zamanaýı ádis-tásiderdi qoldaný kerek deıdi. Osy oraıda jaýyngerlerdi ortaq aqparat jelisine qosý men jańa urys quraldary engizý asa mańyzdy is sanalady.
Pikir qaldyrý