14 qańtarda ótetin Senat depýtattary saılaýyna respýblıka boıynsha 55 kandıdat túsedi. Bul týraly Ortalyq saılaý komısıasynyń tóraǵasy Nurlan Ábdirov habarlady. 

"Saılaý komısıalary bergen málimetke súıensek, saılaý búletenderine jalpy 55 kandıdat engizilgen. Almatydan – 4 kandıdat, Almaty, Jetisý, Jambyl, Pavlodar, Soltústik Qazaqstan, Túrkistan oblystarynyń árqaısysynan eki kandıdat qatysady. Qalǵan aımaqtar men Shymkent, Astana qalalarynan úsh kandıdattan qatysady", - dedi Nurlan Ábdirov.

Senat depýtattaryn saılaýshylar tizimine 3 168 depýtat tirkelgen. Nurlan Ábdirovtiń aıtýynsha, saılaý ýchaskeleri saǵat 10:00-de ashylyp, daýys berý saǵat 11:00-de bastalady.

Eske salaıyq, 14 qańtarda Senat saılaýy ótetin bolady. Joǵary palata depýtattaryn jergilikti maslıhat depýtattary saılaıdy.