Depýtattar Parlament palatalarynyń birlesken otyrysynda Elbasy týraly zańnyń kúshin joıý týraly zań jobasyn birinshi oqylymda maquldady.
Konstıtýsıaǵa engizilgen ózgertýlerge sáıkes Qazaqstan Respýblıkasy tuńǵysh prezıdenti – Elbasynyń mártebesi men ókilettigi Respýblıka Konstıtýsıasymen jáne konstıtýsıalyq zańmen aıqyndalady degen normany kózdeıtin Konstıtýsıanyń 46-baby 4-tarmaǵy alynyp tastaldy.
Zań jobasyn senattan qatysyp otyrǵan 44 depýtat pen májilisten qatysyp otyrǵan 93 depýtattyń bári maquldady.
Konstıtýsıalyq zańnyń qabyldanýy teris quqyqtyq jáne áleýmettik-ekonomıkalyq saldarǵa ákelmeıtini, búdjetten qosymsha qarjy talap etilmeıtini habarlandy.
Nursultan Nazarbaevqa aıryqsha quzyretter men kepildikter beretin zań kúshin joıǵanymen N.Nazarbaev prezıdent týraly zańnyń eks-prezıdentter jaıly VI taraýyna saı birqatar kepildikterge ıe.
Pikir qaldyrý