Qarjylyq baqylaý kezeń-kezeńimen júzege asady:
- 2023 jyldan bastap memlekettik qyzmetshiler men oǵan teńestirilgen azamattar jáne olardyń jubaılary, búdjettik sala, ıaǵnı memlekettik mekemeler, kvazımemlekettik sektor qyzmetkerleri jáne olardyń jubaılary;
- 2024 jyly jeke kásipkerler, zańdy tulǵalardyń basshylary men quryltaıshylary jáne olardyń jubaılary;
- 2025 jyldan bastap jalpyǵa ortaq deklarasıa tapsyrý bastalǵan tusta halyqtyń qalǵan sanattaǵy azamattarynyń shottary tekseriledi.
Memlekettik kirister organdary naqty tulǵalardyń JSN nómerin bankterge beredi. Tek sodan keıin ǵana atalǵan sanattaǵy adamdardyń esep-shottary baqylana bastaıdy. Úsh aı boıy ár aıda kem degende 100 adamnan tólem alsańyz, bank aqsha aýdarymdaryńyz týraly aqparatty salyq organyna beredi. Aqshany tanymaıtyn adamdar emes, týystaryńyz ben dostaryńyz aýdarsa alańdaýǵa negiz joq.
Aqshany aýdarǵandardyń emes, qabyldaǵandardyń málimetteri tekseriledi. Bir adamnyń qansha ret aýdarym jasaǵany emes, aýdarymdy qansha adam jasaǵany eskeriledi. QR-kod arqyly tólem qabyldaý bıznespen aıalysatynyńyzdyń aıǵaǵy. Al úsh aı ishinde ártúrli 300 adamnan shotyńyzǵa aqsha tússe, salyqtan jaltaryp, kóleńkeli bıznespen aınalysyp júrsiz degen kúdikke ilinesiz.
Derekkóz: informburo.kz
Pikir qaldyrý