Aqmola oblysynda qurylys salasyndaǵy iri jemqorlyq faktisine baılanysty sot úkimi shyqty. Bul týraly sybaılas jemqorlyqqa qarsy qyzmet habarlady.

Kókshetaý qalalyq sotynyń úkimimen Aqmola oblysy qurylys basqarmasy basshysynyń orynbasary M. Qanseıitov kináli dep tanylyp, ómir boıy memlekettik qyzmette qyzmet atqarý quqyǵynan shektelip, 8 jylǵa bas bostandyǵynan aıyryldy. 

Sol úkimmen «Sarapshy Arsenal» JSHS quryltaıshysy B. Shaımerdenov pen «Kókshestroı Tehnadzor» JSHS tehnıkalyq qadaǵalaý ınjeneri O. Renn kináli dep tanylyp, 7,5 jáne 7 jylǵa bas bostandyǵynan aıyrylǵan.

Olarǵa memlekettik qyzmette 5 jyl merzimge qyzmet atqarý quqyǵynan aıyrý túrindegi jaza qoldanylǵan.

"Tergeý barysynda sottalǵandar Shýchınsk qalasynda júz páterlik turǵyn úı salýǵa bólingen 50,5 mıllıon teńge kóleminde qurylys montajdaý jumystary naqty oryndalmaǵany úshin búdjet qarajatyn urlaǵany dáleldendi. Úkim zańdy kúshine engen joq" delingen habarlamada.