Taǵy da bala ólimi. Aqtóbe oblysynda oqýshy asylyp turǵan jerinen tabyldy

/image/2023/01/13/crop-31_157_719x1278_pasted-128.png
Qańtardyń 13-ine qaraǵan túni Aqtóbe oblysy Shalqar aýdany Aıshýaq aýylyndaǵy mekteptiń 9 synyp oqýshysy óz úıiniń aýlasynda asylyp turǵan jerinen tabylǵan.

Aýyl ákimi Oralbek Ábshanovtyń aıtýynsha, juma kúni Aıshýaqqa aýdan ortalyǵy Shalqardan sot-medısına sarapshylary kelýi kerek. Oqýshynyń ólimine ne sebep bolǵany saraptamadan soń belgili bolady.

- Habar tıe salysymen mektep dırektory, synyp jetekshisi, mektep psıhology - bárimiz oqýshynyń úıine bardyq. Muǵalimder de, psıholog ta oqýshy qyzdyń minez-qulqynan ózgeris baıqamaǵan. Balanyń sheshesi de otbasynda eshqandaı konflıkt bolmaǵanyn aıtty. Úılerine kelgen qonaqty shyǵaryp salyp, túngi on ekilerde sheshesi qyzyn izdeı bastaıdy. Súıekti aýlanyń túpkirinen tapqan, - deıdi Oralbek Ábshanov.

Aqtóbe oblystyq bilim basqarmasy basshysynyń orynbasary Nurgúl Bertileýovanyń sózinshe, 2007 jyly týǵan oqýshy qyz artyna hat qaldyrmaǵan.

«Baqýatty otbasynda tárbıelenip jatqan, oqý úlgerimi jaqsy oqýshy bolatyn. Óz-ózine qol jumsaýyna ne sebep bolǵany belgisiz» deıdi Nurgúl Bertileýova.

Aqtóbe oblystyq polısıa basqarmasy da bolǵan jaıdy rastap, «ózin-ózi óltirýge deıin jetkizý» baby (QR qylmystyq kodeksindegi 105-shi bap) boıynsha qylmystyq is qozǵalǵanyn habarlady. Bala óliminiń sebebin anyqtaý úshin polısıa birneshe saraptama taǵaıyndaǵan.

Qazaqstan sýısıd boıynsha álemde úshinshi orynda, al Ortalyq Azıada birinshi orynda tur. Byltyr qańtar-qyrkúıek arasynda elde júzden asa jasóspirim ózine qol salǵany habarlandy. Sarapshylar oqýshylar arasyndaǵy sýısıdke álimjettik sebep deıdi.

Derekkóz: Azattyq radıosy

Qatysty tegter :

Pikir qaldyrý

Qatysty Maqalalar