2021 jylǵy jeltoqsan aıynyń sońynda et ónimderi baǵasynyń qymbatshylyǵy bir jylda 16,6% paıyzdy kórsetti, dep habarlady energyprom.kz portaly.

Eń kóp qymbattaǵan óńir Mańǵystaý oblysy: bir jylda 22,6%. Odan keıin Pavlodar (21,7% qymbattady) jáne Soltústik Qazaqstan (21,5% qymbattady) oblystary. Baǵa bir jylda eń az qymbattaǵan óńir Ulytaý oblysy: 9,7%.

Et pen qus eti jyldyq dınamıkada 15,4%, shujyq ónimderi 22,2%, et ónimderi 15,9% qymbattady. Et ónimderiniń ishinde qus eti – 29,4%, jylqy eti – 16,7%, shoshqa eti – 14,3%, qoı eti – 12,9%, sıyr eti – 10,1% qymbattaǵan. Shujyq ónimderiniń ishinde pisirilgen shujyq baǵasy 23,6%, jartylaı ystalǵan shujyq 22,2%-ǵa ósken.. 

2022 jylǵy 1 jeltoqsandaǵy jaǵdaıǵa sáıkes, bir jylda  Qazaqstanda eshki men shoshqadan basqa mal basy kóbeıgen.

Jylqy sany bir jylda 12,1% artyp, 3,7 mln basqa, túıe – 8,6% kóbeıip 260,5 myń basqa, iri qara – 5,2% kóbeıip 8,5 mln basqa, qoı – 4,4% kóbeıip 19,6 mln basqa, qus – 1,1% kóbeıip 50,8 mln basqa jetken.