Áldekimder jýrnalıs, aldaǵy májilis saılaýyna túsetinin málim etken Dınara Egeýbaevanyń kóligin órtep ketti.

Oqıǵa qańtardyń 13-inen 14-ine qaraǵan túni boldy. Kólik jýrnalıs úıiniń aýlasyndaǵy turaqta turǵan.

Ol ózin qorqytý áreketin azamattyq belsendiligimen baılanystyrady.

Dınara Egeýbaeva qańtar oqıǵasynan keıin jelidegi paraqshasy arqyly azaptalǵan azamattardan, bılikke synı kózqarastaǵy túrli saıasatker, saıasattanýshy azamattardan suhbat alyp, pozısıasyn ashyq bildirip keledi.

Ol jaqynda birneshe azamattyq belsenbimen  birge "Altynshy qańtar" degen atpen táýelsiz blok quratynyn, aldaǵy májilis saılaýyna qatysatynyn jarıalaǵan.

Dınara Egeýbaeva bılik azamattyq qoǵam únin estımeıtindikten bılikke jaqyndaýǵa týra kelip otyrǵanyn atap ótip, sol úshin bir okrýgtik mandattan aldaǵy májilis saılaýyna túsetinin málim etken.