Tirkeýden shyǵarylǵan oq-dári men qarýlardy oq-dári qylmystyq sqema boıynsha joıyldy degen jalǵan esep arqyly keıin satýǵa shyǵaryp otyrǵan quqyq qorǵaý organdarynyń qyzmetkerleri men burynǵy qyzmetkerleri jáne olardyń kómekshilerine qatysty sot prosesi aıaqtaldy. Bul týraly UQK baspasóz qyzmeti habarlady.

Eki kezeńnen turatyn operasıa barysynda Almaty qalasy jáne Almaty, Pavlodar, Soltústik Qazaqstan men Qaraǵandy oblystarynda qarýdy qaıta aınalymǵa shyǵarý arnasynyń joly kesilgen.

Ustaý jáne tintý barysynda 347 birlik qarý, 13 granata jáne 7 387 oq-dári alynǵan.

"Polısıanyń burynǵy qyzmetkeri uıymdastyrǵan qarýdy modıfıkasıalaý sehynyń kózi joıyldy. Jedel zerdeleýdi jalǵastyrý arqyly Ulttyq qaýipsizdik komıteti qylmys álemine, buzǵysh dinı aǵymdarǵa qatysty jáne burynǵy polıseılerden turatyn qarýdy satyp alýshylardyń tolyq bazasyn anyqtady. Almaty qalasy Almaly aýdandyq sotynyń sheshimimen kináli adamdar 2-den 5 jylǵa deıingi bas bostandyǵynan aıyrý merzimderine sottaldy. Qyzmettik mindetterine salǵyrt qaraǵandary jáne jeke quramdy baqylaýdy álsiretkenderi úshin quqyq qorǵaý organdarynyń birqatar basshylary teris negiz boıynsha qyzmetten shyǵaryldy" delingen aqparattyq habarlamada.