Depýtattar belsendini qyzymen qosa ustaǵan polıseılerdiń isine baılanysty saýal joldady

/image/2023/01/16/crop-11_6_272x484_crop-31_42_1399x2488_mycollages-1.jpg
 
Májilis depýtattary, «Aq jol» QDP parlamenttik fraksıasy músheleri Azat Perýashev pen Qazybek Isa Bas prokýratýra men İshki ister mınıstrligine belsendi Abzal Dostıarov pen onyń jas qyzyn ustaýdyń zańdylyǵyna tekserý júrgizýdi, Almaty qalasy polısıa departamenti qyzmetkerleriniń is-áreketterine quqyqtyq baǵa berýdi, onyń nátıjeleri boıynsha tıisti áreket sharalaryn qabyldaýdy surap, depýtattyq saýal joldady.
 
 
"Ótken aptada, 2023 jyly 5 qańtar kúni Almaty qalasy polıseıleriniń belsendi azamat Abzal Dostıarovty tańerteń tórt jasar qyzyn balabaqshaǵa aparar kezde ustap alyp, qyzymen qosa polısıa bóliminde uzaq ustaǵanyna qarsy áleýmettik jelide narazy jazbalar jarıalandy. Solardyń qatarynda, aqyn Tanagoz Tolkynkyzy da feısbýk paraqshasynda bizdiń atymyzǵa saýal jasaǵan eken. Sol jazbaǵa jáne sol kúni habarlasqan Qamshy.kz saıty tilishisine bergen jaýabymyzda aıtqandaı, «Aq jol» fraksıasy bul máselege baılanysty shara qoldanýdy talap etip, depýtattyq saýal joldady" dedi depýtat jelidegi jazbasynda. 
 
Depýtat aıtqandaı, bolǵan oqıǵa áleýmettik jelide birshama rezonans týdyrǵanyna qaramastan quzyrly organdar oqıǵa týraly lám-mım demedi.

Quqyqqorǵaýshy Marjan Aspandıarovanyń aıtýynsha, belsendini 4 jasar qyzymen qosa kúshtep áketý polısıa qyzmetkerleriniń tómengi moraldyq-etıkalyq kelbetinen habar beredi, al  polısıa qyzmetkerleriniń osyndaı áreketteriniń qaıtalanýy men oǵan laıyqty quqyqtyq baǵa bermeý azamattyq qoǵamdy úreılendirý, saıasattan alshaqtatý úshin jasalady.

– Bılik bir jaǵynan zańsyzdyqty osylaı kópshilikke jarıa túrde jasaý arqyly kimde-kim belsendi bolsa, oıyn ashyq aıtyp, bılikke talap qoısa, kóretini osy bolady, osylaı aıamaımyz degendi ashyq túrde kórsetip otyr. Sol úshin de buǵan durys quqyqtyq baǵa bermeıdi. Eger ózderiniń zańsyz áreketin moıyndasa, ózge de belsendiler kórgen zańsyzdyqtary týraly aıta bastaýy múmkin. Al ondaılar óte kóp. Qazaqstanda belsendilerdi qýdalaýdyń túr-túrin kórip júrmiz, – deıdi ol.

 
Qatysty tegter :

Pikir qaldyrý

Qatysty Maqalalar