Ýkraınada eldiń Tótenshe jaǵdaılar mınıstrligine tıesili tikushaq apatqa ushyrap, 18 adam qaza tapty. Onyń ishinde birneshe iri sheneýnik bar. Bul týraly VVS habarlady.

"Brovara qalasynda balabaqsha men turǵyn úıdiń janyna tikushaq qulady. Oqıǵa ornynda balalar men mekeme qyzmetkerleri bolǵan. Qazirgi ýaqytta barlyǵy evakýasıalandy. Zardap shekkender bar. Apat ornynda jedel járdem, polısıa jáne órt sóndirýshiler jumys istep jatyr" dep habarlady Ýkraına Birikken qarýly kúshteriniń basshysy Alekseı Kýleba.

Ýkraınanyń ulttyq polısıasynyń basshysy Igor Klımenkonyń dereginshe, apattan eldiń İshki ister mınıstri, onyń birinshi orynbasary jáne memlekettik hatshy qaza tapqan. Jalpy 18 adam mert bolǵan, onyń 3-ýi bala, 9-y  ushaq bortyndaǵylar.

Apattan zardap shekken 29 adam aýrýhanada jatyr. Qaza tapqandarmen, zardap shekkenderdiń sany artýy múmkin.

Apattyń sebebi ázirge belgisiz.