Ulysmedia.kz saıtyna kıbershabýyl jasaldy. Bul týraly jýrnalıs Vadım Boreıka óziniń feısbýk paraqshasynda habarlady. 

"Bir saǵat buryn saıtymdy buzyp, balalarymnyń, otbasymnyń jáne meniń jeke málimetterim men fotolarymdy jarıalap tastady. Qazir saıt istemeı tur" degen saıttyń bas redaktory Samal Ibraeva Boreıkaǵa jazǵan habarlamasynda.

Ibraeva Orda, Ulysmedia jáne Elmedia saıttaryna jarty jyldan beri shabýyl jasalyp kele jatqanyna UQKnazar aýdarmaı otyrǵanyna tań. 

"Olar birneshe BAQ-qa shabýyl jasasaq basqalary da qorqyp, únsiz qalady degen prınsıppen jumys isteıtin sekildi. Prezıdenttiń aıtatyny basqa, onyń qolastyndaǵylardyń is-áreketi basqa. Jańa Qazaqstan osy ma? UQK qoldaryna túsken balalarym jónindegi málimetti jarıalaı saldy. Eger olar bolmasa nelikten osyndaı jaǵdaıda únsiz qalyp otyr? Sondaı UQK kimdi qorǵaıdy? Otbasymnyń basy qaterge tigilgen kezde qalaısha táýelsiz BAQ-tyń jumysyn erkin júrgize alamyn? Meni, Qazaqstannyń azamatshasyn kim qorǵamaq?", dep jazdy jýrnalıs óziniń feısbýk paraqshasyna. 

Qazaqstanda sońǵy ýaqytta táýelsiz jáne bılikke synshyl baǵyttaǵy saıttar jıi buǵattalyp, redaksıalar men jekelegen jýrnalıserge shabýyl jıilegen. Buǵan deıin Azattyq radıosy, Orda saıttarynyń buǵattalǵany habarlanǵan. Elmedıa redaksıasyna 2 ret shabýyl jasalyp, jýyrda almatylyq jýrnalıs Dınara Egeýbaevanyń kóligine órt qoıylǵan. Sot júıesi, quqyq salasynda ótkir jazatyn zertteýshi jýrnalıs Mıhaıl Kozachkov tergeý ızolátorynda qamaýda otyr.