Tanymal medıa turǵalar men kásipkerler bastaǵan "Respublica" partıasy resmı tirkeýden ótti. Bul týraly partıa tóraǵasy Aıdarbek Hodjanazarov habarlady. 

"Dostar, súıinshi! Bizdiń resmı ókilimiz Astana qalasynyń HQKO-nyń birinde Respublica partıasynyń tirkeý qujattaryn qolyna aldy. Endi biz – elimizdiń jańa, resmı tirkelgen saıası kúshimiz! Bul uzaq aptalar men aılap kútken jáne birneshe ret tirkeýge jiberilmegen sátsizdikterden keıingi – ortaq ortaq jeńisimiz! Alaıda, bul synaqtar bizge tek qana kúsh berdi", dep jazdy ol. 

"Respublica" partıasy byltyr tamyz aıynda qurylǵan. Partıa quramynda Syrymbek Taý, Rýslan Berdenov, Maksım Baryshev, Dınara Shókıjanova, Qýanysh Shonbaı, Beıbit Álibekov jáne Nurlan Qoıanbaev sekildi kásipkerler men medıa tulǵalar bar. Partıaǵa  aýyl sharýashylyǵy óndirýshisi, "Olja Agro" kompanıasynyń basshysy Aıdarbek Hodjanazarov tóraǵalyq etedi.