Májilis depýtaty, "Aq jol" partıasynyń múshesi Azamat Ábildaev Azattyq radıosyna bergen suhbaty kezinde Reseı-Ýkraına soǵysynda Máskeýdiń pozısıasyn qoldaıtynyn aıtty.

"Men Reseı prezıdentin qoldaımyn. Muny Ýkraınadaǵy arnaıy operasıa dep esepteımin. Meniń oıymsha, Ýkraına halqy osy jazda Zelenskııdi óz qolymen ustap, sotqa beredi", dedi depýtat. 

Jýrnalıs depýtattyń aıtqanyna senińkiremeı, qaıtalap "Shynymen Reseıdi qoldaısyz ba? Qazir Ýkraınadaǵy turǵyn úılerge shabýyl jasalyp, beıbit turǵyndar qyrylyp jatyr. Halyqaralyq uıymdar Reseıge sanksıa salyp jatyr", dep suraq qoıdy. Alaıda depýtat óz pikirin ózgertpedi. 

"Siz soǵys dep aıtasyz. Endi soǵysta "ne ızbejat". Pýtındi búkil álem aıyptap jatqan joq. Men taǵy qaıtalap aıtamyn Ýkraınada ótip jatqan arnaıy operasıany qoldaımyn", dedi depýtat jýrnalısiń suraǵyna. 

Azamat Ábildaev Parlamentte ózi sekildi Reseıdi qoldaıtyn 2-3 adam baryn jetkizdi.