Ortalyq Azıa úkimetteriniń opozısıany basý úshin ınternetti jaýyp tastaıtyn ádeti bar. Bul ulttyq ekonomıkaǵa mıllıondaǵan dollar zıan keltiredi. 2022 jyly Qazaqstan 410,3 mln AQSH dollaryn joǵaltyp, ınternetti joǵaltýdan kelgen shyǵyn boıynsha álemdegi «kóshbasshylar» úshtiginiń qatarynan kórindi.

Ekinshi orynda Iran. Ondaǵy ınternetti óshirýden 773 mln AQSH dollary shyǵyn boldy. Al Reseı ınternetti óshiremin dep 21,59 mlrd AQSH dollaryn joǵaltty.

Jalpy byltyr 23 el ınternetti óshirgen. Mundaı derekter Top10VPN taldaýshylary júrgizgen jáne osy jyldyń qańtarynda jarıalanǵan zertteýde kórsetilgen.

Esepke sonymen qatar Qyrǵyzstannan basqa Ortalyq Azıanyń barlyq elderi kirdi. Qyrǵyzstanda ǵana aýqymdy túrde ınternet óshirilmegen.

Qazaqstanda ınternet negizinen 2022 jyldyń qańtaryndaǵy narazylyqtarǵa baılanysty óshirildi. Narazylyq suıytylǵan gaz baǵasynyń kúrt kóterilýinen keıin beıbit sherýler retinde bastaldy, biraq birden búkil el boıynsha úlken qaqtyǵystarǵa ulasty.

"4 qańtarda bılik mobıldi ınternetti shamamen bir táýlikke óshirip tastady, sodan keıin bes kún boıy, keıde bir ýaqytta 24 saǵatqa deıin ınternet qosylmady" delingen zertteýde.

2022 jyly «qandy qańtar» oqıǵalary jáne basqa da oqıǵalar kezinde ınternet óshirilgen jalpy ýaqyt 144 saǵatty qurady. Qazaqstan boıynsha 16 mln-ǵa jýyq ınternet paıdalanýshysy odan zardap shekti.

Derekkóz: ranking.kz