Ótken jyly Qazaqstanda tabıǵı jáne tehnogendik sıpattaǵy 13 myń tótenshe jaǵdaı tirkeldi. Jaqynda QR TJM baspasóz qyzmeti osyndaı statısıkany jarıalady. Sonymen qatar, tótenshelikter 12 myńnan astam adamdy qutqaryp, 13 myńnan astam azamatty qaýipti jerlerden evakýasıalaǵan. Adamdarǵa qaýip týraly neǵurlym erterek eskertilse, ýaqytynda kómek alýy soǵurlym joǵary bolady. Muny kez kelgen tájirıbeli qutqarýshy rastaıdy. Sebebi únemdelgen mınýttar dúnıe-múlikti ǵana emes, ondaǵan, tipti júzdegen adamnyń ómirin qutqarady. Al osy qutqarýshylarǵa "Maıak-Broadcast" mamandary uzaq jyldar boıy kómektesip keledi.

Kompanıanyń kópsalaly ınjınırıńtik toby – Qazaqstan naryǵyndaǵy habarlandyrý júıeleriniń ishinde kóshbasshy. 13 jyl ishinde olar 20-dan astam tabysty jobalardy iske qosty. Kompanıa ınjenerleri belgilegen qulaqtandyrý júıeleri Almaty, Aqtóbe, Jambyl, Túrkistan, Qaraǵandy oblystarynda uzaq ýaqyttan beri tabysty jumys istep keledi. Eń aldymen, bul iri qala turǵyndaryna tanys sıren-sóıleý qurylǵysy (Elge tanys "Nazar aýdaryńyz!" dep qazaqstandyqtardy oqý-jattyǵý kezinde evakýasıalaýǵa shaqyratyn dabyldy aıtýǵa bolady). Jáne qaýip tóngen jaǵdaıda shuǵyl baılanys úshin qajetti qural-jabdyqtar. Mamandar ózderin Qazaqstanda ǵana emes, TMD elderinde de tanytqan qurylǵylardy qoldanady. Bizdiń elimizde "Mars-Arsenal" qurylǵysyna negizdelgip isteıtin  eskertý júıeleriniń ózi 10 myńnan asady.

2019 jyldyń maýsym aıynda Arys qalasynda bolǵan tragedıany eshkim umytqan joq. Biraq Arysta jarylys bolǵanda  "Maıak" kompanıalar toby ornatqan dabyl júıeleri júzdegen adamnyń ómirin saqtap qalýǵa kómekteskenin kóp adam bilmeıdi.  Tragedıa kezinde júıe arqyly adamdarǵa tótenshe jaǵdaı kezinde ne isteý kerektigin sát saıyn habarlap otyrdy. Ýaqytynda jumys istegen sırenanyń arqasynda, adamdar jaǵdaıdan habardar bolyp,zardap shegýdiń aldyn aldy. Tótenshe jaǵdaı kezinde bul qurylǵylar úmitti aqtap, kómektesti deýge bolady.

Órtke qarsy monıtorıń te bar. "Aqyldy "Maıak-QORNAI" júıesi – úlken platforma. Ol órt endi bastalǵanda, ıaǵnı, tútin shyǵa bastaǵan kezde birden belgi berip qana qoımaı, qaýip tóngen jerdiń koordınattaryn da anyqtaı alady. Al jumys istep turǵan órt sóndirý bólimderiniń platformasyn kartamen baılanystyrý órt sóndirýshilerdi jyldam  úılestirýge jáne órtenip jatqan jerge eń jaqyn turǵan mamandardy taýyp jiberýge kómektesedi. Tipti joldaǵy keptelister týraly habarlaıdy! Sonymen qatar, júıe "112" qyzmetine qosylǵan. Sondaı -aq, "Maıak-QORNAI" órtti qashyqtan anyqtaý úshin drondardy qoldana alady jáne komýnıkasıalardyń ishki júıesi – chattar, qońyraýlar, konferensıalar jáne faıldardy bólisý fýnksıalary bar. Bul platforma istep otyrǵan jumystardyń bir bóligi ǵana.  Jalpy, órt dıspecheri úshin taptyrmas qural ári kómekshi. "Maıak-QORNAI-dy"  tek qalada ǵana emes, barlyq aımaqtarda qoldanýǵa bolady.

Arsenalda jáne bógetterde,  kez-kelgen sý tasqyny qaýpi bar aımaqta sý deńgeıin baqylaıtyn óte qajetti júıeleri bar. Mundaı qurylǵy tek TJ qyzmetterine ǵana emes, sonymen qatar sý qoımalaryndaǵy sý deńgeıin baqylaıtyn ekologtarǵa da kómektesedi. Mysaly, qalalardy taza ustaýǵa kómektesetin "aqyldy" qoqys jáshikteri bar, al qoqysty ekologıaǵa zıansyz joıýǵa kómektesedi. Arnaıy jaryqtandyrylǵan "aqyldy" jer ústi ótkelderi jaıaý júrginshiler men júrgizýshilerdiń qaýipsizdigin qamtamasyz etedi. Osy joǵary tehnologıalyq ǵajaıyptardyń barlyǵy Smart City sheshimderiniń az ǵana bóligi!

Almaty men oblys turǵyndary úshin seısmıkalyq  qaýipsizdiktiń mańyzy joǵary. İri jer silkinisi týraly erte eskertý júıesin megapolıske bıyl shilde aıynda iske qosý josparlanýda. Sebebi buǵan qajettilik bar. Jyl saıyn Almatyda orta eseppen 200 ret jer silkinedi. Al eki jyl buryn "Maıak-Broadcast" kompanıalar tobynda "Mars-Arsenal" sırena-sóıleý qurylǵylarynyń ózindik qurastyrý jelisi iske qosyldy. Jeli jylyna bes myńǵa deıin jabdyqpen jumys isteıdi. Demek, Qazaqstan turǵyndary ózderiniń myqty qorǵaýda ekenine senimdi degen sóz.