Jumabaı Qaraǵaev Mańǵystaý oblysy ákiminiń birinshi orynbasary bolyp taǵaıyndaldy. Bul týraly oblys ákiminiń baspasóz qyzmeti habarlady.
"Nurlan Noǵaev oblys aktıvine kandıdatýrasy Prezıdent Ákimshiligimen kelisilgen ákimniń jańa birinshi orynbasaryn tanystyrdy. Mańǵystaý oblysy ákiminiń jańa birinshi orynbasary bolyp Jumabaı Qaraǵaev taǵaıyndaldy", - delingen habarlamada.
Jumabaı Qaraǵaev byltyr qańtar aıynda energetıka vıse-mınıstri qyzmetinen bosatylyp, uzamaı Mańǵystaýdaǵy gaz baǵasyn kóterý boıynsha tergeý aıasynda ustalyp, qamaýǵa alynǵan. Biraq qylmys quramynyń bolmaýyna baılanysty oǵan qatysty is toqtatylǵan.
Pikir qaldyrý