Jýrnalıs, ND youtube arnasynyń avtory ári júrgizýshisi Dýman Muhamedkárim Almaty oblysy №12 birmandatty saılaý okrýgi ózin májilis saılaýyna kandıdat retinde tirkemegenin málim etti.

Májilis depýtattaryn saılaý jónindegi okrýgtik saılaý komısıasynyń hattamasynda jýrnalısiń ótinimi konstıtýsıanyń 51-baby 4-tarmaǵy –  "respýblıka aýmaǵynda sońǵy on jylda turaqty turyp jatqan bolýy kerek" degen talapqa saı emes degen negizben qanaǵattandyrylmaǵany aıtylady.

Konstıtýsıanyń dál sol baby men tarmaǵynda sońǵy on jylda el aýmaǵynyń bir jerinde turaqty túrde turǵan bolýy kerek degen talap joq. Ol jerde "Qazaqstan Respýblıkasynyń azamattyǵynda turatyn jáne onyń aýmaǵynda sońǵy on jylda turaqty turyp jatqan adam Parlament depýtaty bola alady" delingen.

Dýman Muhamedkárim saılaý komısıasynyń bul sheshimine esh tańǵalmaıtynyn, tipti osylaı bolaryn bilgenin jetkizgen. Degenmen ol komısıa sheshimine baılanysty sotqa shaǵym túsiretinin atap ótip, komısıa sheshimi ózgermese, qujat tapsyrǵan ózge belsendi azamattarǵa aqparattyq turǵyda qoldaý kórsetýge ázir ekenin aıtty.