Qoǵam belsendisi, quqyqtanýshy Inga Imanbaı tirkelmegen Demokratıalyq partıa ókilderi majorıtarlyq tártip boıynsha májilis saılaýyna kandıdattyqqa qujat tapsyratynyn málim etti.

"Parlamenttik saılaýǵa qatysamyz! Qadirli aǵaıyn! Ózderińizge málim, elde parlament saılaýy jarıalandy. Bıyl májiliske tek qana partıalyq tizimmen emes, jeke okrýgter boıynsha majorıtarly júıemen ótýge bolady. Úsh jyldan astam boıy kúressek te, bılik bizdiń partıany tirkegen joq. Quryltaı sezin ótkizemiz degende túrli arandatýlardy uıymdastyryp, ondaǵan belsendimizdi poıyzdan túsirip, aqyr sońynda jıynymyzdyń shyrqyn buzdy. Biraq, bul kúres toqtady degen sóz emes. Aldaǵy ýaqytta biz Demokratıalyq partıany resmı tirkeýden ótkizý jumysyn qaıta jandandyramyz", - dep jazdy Inga Imanbaı. 

Onyń aıtýynsha, Dempartıanyń Almatydaǵy jaqtastarynan bólek, ózge de óńirlerdegi ókilderi kandıdat atanýǵa nıetti.