Túrkistan oblysynda Kentaý, Túrkistan qalalary men Báıdibek, Ordabasy jáne Saýran aýdandaryn sý basyp jatyr, dep habarlady tótenshe jaǵdaılar mınıstrligi.
Resmı málimet boıynsha, 2 aqpan saǵat 08:00-den bastap taýly aýdandarda qardyń erýi jáne jaýyn-shashynnyń kóp túsýine baılanysty sý deńgeıi kóterilgen. Sonyń saldarynan Kentaý men Túrkistan qalalarynda, Báıdibek, Ordabasy, Saýran aýdandarynda aýlalar men kóshelerdi sý basqan.
Birneshe aýdandaǵy mektepterde sabaqtar toqtatyldy.
TJD qyzmetkerleri jańbyr sýyn sorý jumysyn júrgizip jatyr. Oǵan 50-den astam qutqarýshy, 10 tehnıka jáne 20 motopompa jumyldyrylǵan.
Pikir qaldyrý