Ortalyq saılaý komısıasy "Baıtaq" jáne Respublica partıalaryna Qazaqstannyń barlyq aımaǵy boıynsha máslıhat depýtattaryn saılaýǵa qatysýǵa ruqsat berdi.
"Baıtaq" Jasyldar partıasyna" 15 óńirdegi máslıhat saılaýyna qatysýǵa ruqsat berildi. Qazirgi ýaqytta basqa birqatar óńirde partıalardyń fılıaldary quryldy. Respublica partıasy 19 óńirdegi máslıhat saılaýyna jiberildi. Sondaı-aq Atyraý oblysynda partıa fılıaly quryldy" delingen habarlamada.
OSK biraýyzdan qabyldanǵan sheshimmen "Baıtaq" Jasyldar partıasyna tómendegi óńirlerdegi máslıhat depýtattarynyń saılaýyna qatysýǵa ruqsat berdi: Abaı oblysy, Jetisý oblysy, Aqmola oblysy, Soltústik Qazaqstan oblysy, Ulytaý oblysy.
Al Respublica partıasy Atyraý oblysy máslıhatynyń depýtattyǵyna óz kandıdattaryn usyna alady.
Qazaqstan boıynsha tirkelgen 7 partıa: Amanat partıasy, "Aq jol" Qazaqstannyń demokratıalyq partıasy, Qazaqstan halyq partıasy, "Aýyl" halyq-demokratıalyq patrıottyq partıasy, opozısıalyq Jalpyulttyq sosıal-demokratıalyq partıasy, "Baıtaq" Qazaqstannyń jasyldar partıasy jáne Respublica partıasy 19 naýryzda ótetin kezekten tys Májilis saılaýyna qatysýǵa ruqsat aldy.
Kandıdattardy usyný merzimi 20 qańtardan 8 aqpanǵa deıin, tirkeý 20 qańtardan 18 aqpanǵa deıin jalǵasady.
Saılaý aldyndaǵy úgit-nasıhat jumystary 18 aqpan kúni saǵat 18:00-den 18 naýryz saǵat 00:00-ge deıin jalǵasady.
Pikir qaldyrý