Astana qalasy Saryarqa aýdanynyń №2 sotynda jýrnalıs Mahambet Ábjannyń ústinen qozǵalǵan qylmystyq is boıynsha úkim shyǵaryldy.

Jýrnalıs toǵyz jylǵa bas bostandyǵynan aıyryldy. Sot otyrysy jabyq formatta ótti. 

Sot jýrnalıs Mahambet Ábjandy QK-niń 274-babynyń 3-bóligi – «Azamatqa, uıymǵa nemese memleketke iri zalal nemese ózge de aýyr zardaptarǵa ákep soqqan kórineý jalǵan málimetterdi taratý» jáne Qylmystyq kodekstiń 194-babynyń 4-bóliginiń 2-tarmaǵy – «Asa iri mólsherde bopsalaý» baptary boıynsha aıypty dep tapty.

Mahambet Ábjandy ótken jyldyń 3 shildesinde sybaılas jemqorlyqqa qarsy is-qımyl agenttiginiń qyzmetkerleri ustaǵan. Ol kásipkerden 50 mıllıon teńge bopsalady dep aıyptalǵan.