Túrkistan oblysynda sý tasqynynan evakýasıalanǵan Saýran aýdanynyń turǵyndary birtindep úılerine oralyp jatyr. Bul týraly Tótenshe jaǵdaılar mınıstrliginiń baspasóz qyzmeti habarlady.
Mınıstrlik Saýran aýdanynda áli de sýdy burý jumystary júrgizilip jatqanyn, 200-ge jýyq aýla sýdan tazartylǵanyn málim etti. Jalpy 85 aýla aýmaǵynan 197 tekshe metr sý soryp shyǵaryldy.
"TJM jáne JAO kúshterimen úılerdi sý basý saldaryn boldyrmaý jáne azaıtý maqsatynda aýla aýmaqtarynan sýdy soryp shyǵarý jumystary júrgizilýde, qum salynǵan qaptardy tóseý jáne sý burý arnalaryn tazartý jumystary júrgizilýde. Barlyǵy 15 300 qap tóseldi" delingen habarlamada.
«Birlesip áreket etýdiń arqasynda Maıdantal aýylynyń sýǵa ketýine jol bermedik. Qutqarýshylar men JAO táýlik boıy jumys jasaýda. 200-den astam adam jáne 800 bas UQM qaýipsiz jerge kóshirildi. Inertti materıaly bar 13 myńnan astam qap qoıyldy», - delingen mınıstrlik habarlamasynda.
Pikir qaldyrý